تغيـب الشمس لا رعش

تغيـب الشمس لا رعش هدبهـا

ولافتحـت عيـونها حـان بزوغ الفجر

والشتـاء اصبح صيف بدفى صدرهـا

والراس ماينظر تحت من طول النحـر

والسحـاب آخذ بياضه من وجههـا

والشعـر في سـواده ليله من غير قمر

والخشـم حدة سيـف وهلاليـه حواجبهـا

والشفـايف كنهن جمرتيـن حمر

والعصـافيـر آخذه التغـاريد من لحنهـا

وانفـاسها شذى وورود ومسك وزهـر

لامشـت كل الخـلايق تتبع ظلهـا

ابد مالهـا مثيـل لا بالبيض ولا بالسمـر

جمـال هالدنيـا مايضاهي سحرهـا

إلين خجل واستحـى من سحرها القمـر

هذي إللي عشقتهـا من يـوم ميلادها

ومن دونها وشـلون بعيـش العمر

عمري ماتهنيـت ولاشفت السعـاده إلا بقربهـا

والقـوافي تشهد والقصيـد وابيـات الشعـر

إنـي احبهـا واسيـرها وذايـب في هـواهـا

واذا ماكتفيـت بزيـد قصيـدي بالنثـر

واعلن للملأ اني عـاشق شجونهـا

وبالقلب حبهـا منقوش ومحفور حفـر

بشـوقي وعشقي وجنـوني لها بذوبهـا

ولهـا بداخلي من الود حدايق ووورد وزهر

أنـا مالـي مكـان بهالدنيـا إلا بجـوفهـا

من حنـانهـا برتوي.. وبأخذلي من جوفها مقـر

في كل لحظه بنهي قصة حبي لهـا

وبعد وهله أرد.. وابتدي حبي معها من الصفـر