يا أهل الوفـا قصيدتـي مبتداهـا

يا أهل الوفـا قصيدتـي مبتداهـا
لوحة وفا لـلأم بـأول سطـوري
لوحة غلا تجسيـد واقـع عناهـا
بأيامهـا وسنينهـا والشهـوري
أمي ولاأعرف كيف بوصف غلاها
وأدري القوافي ماتوصف شعوري
لاجيت هلت بي ويضحـك نباهـا
تشتاقلي في غيبتي في حضـوري
روح الكرم في عسرها من عطاها
ألا بضناها تشح وأعرف قصوري
أبيع كل الكون وأشـري رضاهـا
اللي رضاها في حياتي ضـروري
الله يسعد صبحهـا مـع مساهـا
وعسى لها من نور الايمان نوري
لاضاق بي كوني وسعني فضاهـا
هي فرحتي هي دنيتي هي سروري
مرضاة ربي تقترن فـي رضاهـا
بنص الكتاب واضـحٍ ومخبـوري
كل المشاعـر ماتعانـق عطاهـا
ومهما كتبت وقلت ماوفيت دوري
نوصف بشعـرٍ ولالحقنـا مداهـا
واقع عطا ماهو بتوصيف صوري
في ضيقها واتعاسها فـي شقاهـا
تصنع هناي وفرحتـي بالأمـوري
غاية مناهـا والسـرور وهناهـا
فرحة ضناها وأجتياز الشـروري
شمعة تنير وجودنا فـي ضياهـا
ومن عق بأمه ضايع وأمعثـوري
في عيدهـا ووجودهـا ياضناهـا
في عيدها نهدي لها ورد جـوري